Türkiyə millisinin üzvü Enes Ünal formasını geyindiyi "Xetafe"də 2022/2023 mövsümünün ən yaxşı futbolçusu seçilib.
Sportarena.az xəbər verir ki, o, klubun saytında azarkeşlər arasında keçirilən səsvermədə 1-ci olub.E.Ünal ötən mövsüm La Liqada 14 qol vurub, 3 qolun ötürməsini verib. O, komandanın ən yaxşı bombardiri olub.
Qeyd edək ki, E.Ünal 2021/2022 mövsümündə də "Xetafe"nin ən yaxşı oyunçusu seçilmişdi.
Xatırladaq ki, E.Ünal sağ dizindəki zədə səbəbindən mayda əməliyyat olunub. Onun 8-9 ay yaşıl meydanlardan uzaq qalacağı gözlənilir.