“Real” yay transferlərini yekunlaşdırır. Cud Bellingemi heyətinə qatmaqla əsas işi tamamlayan madridlilər yalnız mərkəz forvardı axtarışındadır.
Sportarena.az xəbər verir ki, İspaniya nəhənginin prezidenti Florentino Peres azarkeşlərlə söhbəti zamanı istədikləri oyunçuların keçidini böyük ölçüdə həll etdiklərini bildirib: “Xoselunun transferi ilə işi yekunlaşdıracağıq. Onunla anlaşma yaxın günlərdə tamamlanacaq. Başqa transfer olmayacaq”.
Kərim Benzema, Marko Asensio, Eden Hazard kimi ulduzlarını itirən “Real” əsasən Fran Qarsiya kimi o qədər də məşhur olmayan yarımmüdafiəçi və hücumçularla güclənib. Bu səbəbdən əcnəbi həmkarlarımız Peresin açıqlamasına inanmır. Baş məşqçi Karlo Ançelottinin israrla hücumçu istəməsi məlumdur. Çox güman ki, madridlilər transferlərə hanısa ulduz hücumçunun keçidi ilə yekun vuracaq.