"Mançester Siti"nin baş məşqçisi Xosep Qvardiola Kilian Mbappenin İngilətərə klubuna keçmək ehtimalına münasibət bildirib.
Sportarena.az Fabrizio Romanonun "Tvitter" səhifəsinə istinadən xəbər verir ki, o, PSJ-nin hücumçusu ilə bağlı deyib:
"Biz Kilian Mbappe ilə müqavilə bağlamayacağıq, o, "Mançester Siti"yə keçməyəcək. Hamınız onun hara getmək istədiyini bilirsiniz".
2022/23 mövsümündə Mbappe PSJ-nin heyətində bütün yarışlarda 43 matçda 41 qol vurub və 9 qolun ötürməsini verib.
Xatırladırıq ki, daha əvvəl futbolçu növbəti mövsümdə PSJ-də qalacağını, gələcəyinə yalnız 2024-cü ildə qərar verəcəyini bildirmişdi.