“Qarabağ”ın baş məşqçisi Qurban Qurbanov futbolçusu və oğlu Musa Qurbanlının adının Avstriyanın “Zalsburq” klubu ilə hallanmasına münasibət bildirib.
Sportarrena.az xəbər verir ki, o, “CBC Sport”a açıqlamasında onlara Musa ilə bağlı hər hansı rəsmi təklif gəlmədiyini deyib:
“Bizə də bildiriblər ki, maraqlanırlar. Rəsmi təklif olmadıqda bilirsiniz ki, ətraflı məlumat vemirəm. Biz dəfələrlə demişik ki, kənarda bizim yerli futbolçuların inkişaf etmək imkanı daha çox olarsa, Azərbaycan futboluna faydası çox olarsa, onda biz çalışarıq ki, təkliflərə “yox” deməyək".
Q.Qurbanov Rusiyanın “Ural” klubunun Marko Yankoviçlə maraqlanması xəbərlərinə də şərh verib:
“Yankoviç cəmi bir ildir bizimlədir. Əsas oyunçularımızdan biridir. Ola bilər ki, özünə hansısa bir ciddi təklif gəlib. Amma klubla heç bir danışıq olmayıb”.