“Uimbldon” turnirinin püşkünün atılacağı gün məlum olub. Mövsümün 3-cü “Böyük dəbilqə” seriyasından olan turnirdə püşklər bir neçə gün ərzində atılacaq.
Sportarena.az xəbər verir ki, təsnifat mərhələsində qadınlar öz rəqiblərini iyunun 26-da, Bakı vaxtilə saat 19:00-da biləcək. Kişilərin püşkatma mərasimi isə bir gün əvvəl eyni vaxtda təşkil ediləcək.
Əsas yarışın püşkü isə iyunun 30-da baş tutacaq. Mərasim Bakı vaxtilə saat 13:00-a planlaşdırılıb. Eyni gündə cüt yarışlarda püşkatma keçiriləcək. Mikstdə iştirak edənlər isə rəqiblərini iyulun 5-də, Bakı vaxtilə 15:00-da öyrənəcəklər.
Xatırladaq ki, turnirin əsas hissəsinə iyulun 3-də start veriləcək.