PSJ-nin və Braziliya millisinin hücumçusu Neymar sosial şəbəkə vasitəsi ilə sevgilisi Bruna Biankardidən üzr istəyib.
Sportarena.az xəbər verir ki, 31 yaşlı yaşlı oyunçu sevgilisinə xəyanət etdiyi üçün bu addımı adıb. O, sosial şəbəkə hesabında yazıb:
"Bru. Mən bunu həm ikimiz, həm də ailəmiz üçün edirəm. Heç bir əsası olmayan bir şey üçün bəhanə gətirməyə ehtiyac yoxdur. Amma həyatımda sənə ehtiyacım var. Hər şeyə nə qədər əhəmiyyət verdiyini və mənim yanımda olmaq istədiyini gördüm. Mən sənin yanındayam. Mən səhv etdim. Sənə qarşı haqsızlıq etmişəm. Mən meydanda və meydandan kənarda hər gün səhv edirəm. Şəxsi həyatımda, ailəm və dostlarımla ünsiyyətdə olan səhvlərə görə yalnız özüm cavabdehəm. Həyatımdakı ən özəl insanlardan birini incitdim. Yanında qalmaq arzusunda olduğum qadın, uşağımın anası.
Bru, mən artıq səhvlərimə görə üzr istədim, amma bunu açıq şəkildə etməli olduğumu hiss edirəm. Şəxsi məsələ ictimailəşibsə, üzrxahlıq açıq olmalıdır. Mən özümü sənsiz təsəvvür edə bilmirəm. Bilmirəm, bacaracağıq, amma indi mütləq cəhd etmək istəyirəm. Uşağa sevgimiz qalib gələcək, bir-birimizə olan sevgimiz bizi gücləndirəcək. Mən səni sevirəm”.