“Sabah”ın yeni transferi Rəhman Daşdəmirov kluba keçidi ilə bağlı fikirlərini bildirib.
Sportarena.az klubun saytına istinadən xəbər verir ki, gənc futbolçu “Sabah”ın üzvü olmaqdan şad olduğunu deyib:
“Sabah”la müqavilə bağladığıma görə çox şadam. Bu cür iddialı kollektivin bir parçası olmaq qürurvericidir. Mənə etimad göstərildiyinə görə təşəkkür edirəm. Əlimdən gələni edəcəm ki, mənə olan inamı doğruldum. Azarkeşləri növbəti mövsümdə də komandamızı sona kimi dəstəkləməyə çağırıram. İnanıram ki, birlikdə böyük uğurlara imza atacağıq”.
Xatırladaq ki, "Sabah" dünən "Şamaxı"dan R.Daşdəmirovu transfer edib. 23 yaşlı müdafiəçi ilə 2 illik müqavilə imzalanıb.