"Səbail" heyətinə yeni futbolçu qatıb.
Sportarena.az xəbər verir ki, bu barədə klubun mətbuat xidməti məlumat yayıb. Paytaxt təmsilçisi mövsümün sonunda "Şamaxı"dan ayrılan Amil Yunanovu transfer edib. Lakin 30 yaşlı hücumçu ilə imzalanan müqavilənin detalları açıqlanmayıb.
Qeyd edək ki, Amil 2020-21-ci illərdə də "Səbail"də oynayıb.
Xatırladaq ki, "Səbail" bu yay Yusif Nəbiyev, Süleyman Əhmədov, Rüfət Abdullazadə, Səlahət Ağayev və Coşqun Diniyevi də transfer edib.