“Liverpul” Fabio Karvalyonu icarəyə göndərməyi qərara alıb. Heyətdəki rəqabət üzündən çox şans almayan yarımmüdafiəçinin inkişafını təmin etməyi düşünən ingilislər onun bir mövsümlük Almaniyada oynamasına şərait yaradacaq.
Sportarena.az xəbər verir ki, Fabionun yeni ünvanı “Leypsiq” olacaq. Bundesliqa təmsilçisi müqaviləyə birdəfəlik transfer üçün bənd salmağa çalışsa da, merssaydlılar buna razı deyil.
Xatırladaq ki, 20 yaşlı portuqaliyalı ötən yay “Fulhem”dən 5,9 milyon avroya transfer edilib. Onun qırmızılarla 2027-ci ilin yayına kimi müqaviləsi var.