ASTA (Azerbaijan Sport Talents Academy) Futbol Akademiyası ilə İspaniyanın “Marcet” Futbol Akademiyası arasında əməkdaşlıq müqaviləsi imzalanıb.
Sportarena.az xəbər verir ki, müqaviləyə əsasən akademiyanın məşqçiləri paytaxtımıza gələrək ASTA tərəfindən seçilmiş 2008-2009-cu il təvəllüdlü 50 istedadlı futbolçu arasında seçim aparıb, 15-ni özləri ilə İspaniyaya aparacaqlar. Azərbaycanlı uşaqlar dörd il ərzində ASTA-nın sponsorluğu ilə “Barselona”ya bağlı “Marset” Futbol Akademiyasında yer alacaqlar.
2024 və ya 2025-ci ildə isə adıçəkilən akademiyanın məşqçiləri 2010-2011-ci il təvəllüdlü uşaqlar arasında seçim aparacaqlar. “Marset”in akademiyasının məşqçiləri Ragel Marmol Felipe və Rivero Karlos Arias iyulun 2-dək Bakı Olimpiya Stadionunda ASTA-nın təklif etdiyi yeniyetmələri sınaqdan keçirəcək.