Bu gün Avropa Liqasında növbəti oyunlar keçirilib.
Sportarena.az xəbər verir ki, öncə Azərbaycanın bu turnirdəki təmsilçisi “Qarabağ” meydana çıxıb. Ağdam təmsilçisi III təsnifat mərhələsinin birinci görüşündə Finlandiya HİK-ini qəbul edib. Çempionlar Liqasında “Rakuv”a məğlub olaraq ikinci dərəcəli turnirə düşən Azərbaycan çempionu HİK səddini keçərsə, minimum Konfrans Liqasının qrupunu təmin edəcək. Bunun üçün əvvəlcə Tofiq Bəhramov adına Respublika stadionunda sərfəli nəticə qazanmaq vacibdi.
“Qarabağ”da müdafiəçilər Marko Veşoviç və Abbas Hüseynov zədə səbəbindən baş məşqçi Qurban Qurbanovun ixtiyarında olmayacaq.
Qeyd edək ki, bu komandalar arasında cavab görüşü avqustun 20-də keçiriləcək.
Avropa Liqası
III təsnifat mərhələsi, ilk oyun
10 avqust
20:00. “Qarabağ” (Azərbaycan) - HİK (Finlandiya) 2:1
Qol: L.Andrade, 55, Juninyo, 85 - Olusanya,77
Baş hakim: Roy Reynsreyber (İsrail)
Bakı, Tofiq Bəhramov adına Respublika stadionu