Avropa Liqasının 3-cü təsnifat mərhələsində keçiriləcək HİK - "Qarabağ" cavab oyunu üçün hakim təyinatları açıqlanıb.
Sportarena.az xəbər verir ki, bu barədə UEFA-nın saytında məlumat paylaşılıb. Bildirilib ki, matçı Fransa Futbol Federasiyasından Villi Delayod idarə edəcək. Ona həmyerliləri Ervan Finyean, Filip Jann köməklik göstərəcək. Dördüncü hakim funksiyasını Tomas Leonard yerinə yetirəcək.
Qeyd edək ki, bu komandalar arasında ilk qarşılaşma "Qarabağ"ın 2:1 hesablı qələbəsi ilə başa çatıb. HİK - "Qarabağ" cavab görüşü isə avqustun 17-i Finlandiyada keçiriləcək. Oyun Bakı vaxtı ilə saat 20:00-da başlayacaq.