Vinisius Juniorun müqaviləsini uzadan "Real" daha bir futbolçusu ilə razılıq əldə edib.
Sportarena.az xəbər verir ki, Madrid təmsilçisi Rodriqo ilə də uzunmüddətli sözləşmə imzalayacaq. Bu barədə Fabritsio Romano məlumat yayıb.
"Kral klubu" braziliyalı hücumçunun müqaviləsinin müddətini 2028-ci ilin yayına kimi artıracaq. "Real" 22 yaşlı ön xətt oyunçusunun sərbəstqalma məbləğini 1 milyard avro təyin edəcək.
Qeyd edək ki, La Liqa təmsilçisi Rodriqonu 2019-cu ilin yayında "Santos"dan transfer edib. Braziliya millisinin üzvü cari mövsümdə komandanın heyətində meydana çıxdığı 14 rəsmi matçda 2 qol və 1 məhsuldar ötürmə ilə yadda qalıb.