Azərbaycanlı referi Əliyar Ağayev FİFA-dan növbəti təyinat alıb.
Sportarena.az AFFA-nın saytına istinadən xəbər verir ki, o, Çempionlar Liqasının qrup mərhələsinin 6-cı turu çərçivəsində dekabrın 13-də keçiriləcək “Srvena Svezda” (Serbiya) – “Mançester Siti” (İngiltərə) oyununun baş hakimi olacaq.
Ona FİFA referi köməkçiləri Zeynal Zeynalov və Akif Əmirəli kömək edəcəklər. Dördüncü hakim funksiyasını Elçin Məsiyev yerinə yetirəcək. Qarşılaşmanın VAR hakimi Alper Ulusoy (Türkiyə), AVAR isə Abdulkadir Bitigen (Türkiyə) olacaq.
Qeyd edək ki, bu, Əliyar Ağayevin ÇL-in qrup mərhələsində 2-ci təyinatıdır. O, ötən ilin oktyabr ayında “Kopenhagen” (Danimarka) – “Borussiya” (Dortmund, Almaniya) oyununu (1:1) da idarə edib.