Antalyada təlim-məşq toplanışını davam etdirən “Xəzər Lənkəran” bu gün 3-cü yoxlama oyununda qüvvəsini sınayacaq.
Sportarena.az xəbər verir ki, Elbrus Məmmədovun başçılığı altında Cənub təmsilçisi Ukraynanın “Metallurq” klubu ilə qarşılaşacaq.
“Xəzər Lənkəran”ın Zaporojye təmsilçisi ilə görüşü “Gloriya” otelinin meydançasında baş tutacaq. Oyun Bakı vaxtı ilə saat 19:00-da başlayacaq.
Qeyd edək ki, ilk yoxlama oyununda “Təkirdağspor”la heç-heçə (2:2) edən “Xəzər Lənkəran” ikinci matçında Almaniya III Bundesliqa təmsilçisi “Kemnitser”ə 2:0 hesabı ilə məğlub olub.
Yoxlama oyunu
17 yanvar
19:00. “Xəzər Lənkəran” (AZƏRBAYCAN) – “Metallurq” 1-2
Qol. S. Tounkara,31