“Kamran Ağayev yaxşı qapıçıdır. Ümid edirəm ki, onun transfer həm “Kayserispor”, həm də futbolçu üçün faydalı olacaq”.
Sporarena.az xəbər verir ki, bu sözləri Türkiyənin “Kayserispor” klubunun mətbuat xidməti Rıfat Pəhlivan deyib.
I liqa təmsilçisinin rəsmisi Azərbaycan millisinin qapıçısı Kamran Ağayevin transferinə münasibət bildirib: “Onunla 2,5 illik müqavilə imzaladıq. Artıq bu gündən komandanın məşqlərinə də qatıla biləcək. Sərdar Kulbilgə, Kayacan Ərdoğan və Ağayev kimi qolkiperlərlə “Kayserispor”un qapısı etibarlı əllərdədi”.
Qeyd edək ki, Ağayev mövsümün ilk yarısını “Qəbələ”də keçirib.