Rusiya Futbol İttifaqı (RFİ) cümə günü Rusiya milli komandasının baş məşqçisi Fabio Kapellonun əmək haqqının ödənilməsi üzrə pul vəsaitlərinin köçürülməsi ilə bağlı lazımi əməliyyatları həyata keçirib.
Sportarena.az İTAR-TASS-a istinadən xəbər verir ki, bu barədə qurumun mətbuat xidmətinin məlumatında bildirilir.
Cümə axşamı iş adamı Əlişir Usmanov italiyalı mütəxəssisə olan borcun tamamilə ödənilməsi üçün RFİ-yə 400 milyon rubl məbləğində güzəştli kredit ayıracağını bəyan edib.
Rəsmi mənbələrdən öz təsdiqini tapmayan məlumata görə, məbləği açıqlanmayan ilk tranş ötən gün Kapellonun hesabına köçürülüb.