Xəbər verdiyimiz kimi, martın 17-dən 21-dək Bakıda təşkil olunacaq Avropa çempionatının əsas seçmə mərhələ oyunlarına hazırlaşan futzal üzrə Azərbaycan milli komandası fevralın 10-dan 22-dək Belarusun paytaxtı Minsk şəhərində təlim-məşq toplanışı keçirəcək.
Sportarena.az AFFA-nın saytına istinadən xəbər verir ki, Belarusa yollanacaq komandanın heyətində 1 dəyişiklik baş verib. Zədəli Fernando Da Silva Amadeunun əvəzinə toplanışa “Fənər” komandasının üzvü İlkin Hacıyev dəvət olunub.