AZAL-ın baş məşqçisi Tərlan Əhmədov Azərbaycan Premyer Liqasının 21-ci turu çərçivəsində "Qarabağ"a qarşı keçirəcəkləri oyun öncəsi fikirlərini açıqlayıb.
Sportaren.az xəbər verir ki, Azerisport.az saytına açıqlamasında o, bunları söyləyib:
"Qəbələ" ilə oyundan sonra bərpa üçün çox az vaxt var idi. Komandanı maksimum bu oyuna hazır vəziyyətə gətirməyə çalışdıq. Heyətdə itkilər var. Amma bunlar bizim üçün problem ola bilməz. Çünki elə heyətimiz var ki, hər bir oyunçunu layiqincə əvəzləyə bilərik. Maraqlı oyun gözləyirəm. "Neftçi" və "Qəbələ"ni məğlub etdik. Bu görüşdə də belə bir uğura imza atmaq istəyirik. Meydana 3 xal üçün çıxacağıq".