"Qəbələ"nin sabiq hücumçusu Daniel Subotiç "Qarabağ"a keçəcəyi barədə xəbərlərə münasibət bildirib.
Sportarena.az xəbər verir ki, Küveytin "Əl-Kadisiya" klubunun şərəfini qoruyan hücumçu Ağdam təmsilçisindən təklif almadığını bildirib.
Buna baxmayaraq, Subotiç yenidən ölkəmizdə çıxış etməyə hazır olduğunu dilə gətirib: "Açığı, "Qarabağ"dan heç bir təklif almamışam. Heç bu barədə eşitməmişəm də. Əgər ciddi təklif gəlsə, fikirləşməyə dəyər. Azərbaycanda çıxış etmişəm və "Qarabağ"ın səviyyəsinə bələdəm".