Azərbaycanın qadın otüstü hokkeyçilərdən ibarət milli komandası növbəti olimpiya oyunlarında iştirak etmək üçün Dünya Hokkey Liqasının 2-ci raundunda mübarizəyə qoşulacaq.
Sportarena.az xəbər verir ki, millimiz fevralın 10-da yarışın keçiriləcəyi Uruqvayın Montevideo şəhərinə yola düşüb.
Hokkeyçilərimiz yarışa bu gün Bakı vaxtıyla saat 21:00-da Trinidad və Tobaqo millisiylə oyunla start verəcək. İki gün sonra Fransa hokkeyçiləriylə qarşılaşacaq millimizin qrupdakı son oyunu ayın 17-də Keniya yığmasına qarşı olacaq.
Milli komandamız səfərə aşağıdakı heyətdə yola düşüb:
Qapıçılar: Səadət Nuriyeva, Zlata Potapova.
Müdafiəçilər: Xatirə Əliyeva (k), Lyüdmila Şokur, Əminə Mailova, Zoya Lebedyuk, Feruza Makayeva, Xalidə Zeynalova.
Yarımmüdafiəçilər: Lalə Abbasova, Tamilla Xəzri, Amaliya Həsənova, Tatyana Kiyaniçenko.
Hücumçular: Mahirə Əhmədova, Lyubov Drujinina, Anastasiya Tsıqanska, Fəridə Məmmədova.