“Bakı”nın futbolçuları qarşıdakı iki həftə ərzində maaşlarını alacaqlar.
Sportarena.az xəbər verir ki, bu haqda AFFA-nın baş katibi Elxan Məmmədov jurnalistlərə açıqlamasında məlumat verib.
“Bakı” futbolçuları ilə görüşdə onlara komandadakı maliyyə problemlərindən xəbərimiz olduğunu bildirdim. Maya qədər problemlər həll olunacaq” - deyə o, bildirib.
Məmmədov həmçinin qeyd edib ki, "Bakı"nın borclarını banklar ödəyəcək: “Çempionatda iştirak edən hər bir klub bankdan zəmanət alır. Biz də buna uyğun olaraq banka müraciət etdik. Bank həmin zəmanəti aktivləşdirib. Vəsait AFFA-nın hesabına oturan kimi futbolçuların maaşları ödəniləcək. İki həftə ərzində futbolçular maaşlarını alacaqlar”.