"Real Madrid"in hücumçusu Kriştianu Ronaldo La Liqanın 23-cü turunda "Deportivo"nun da qapısına yol tapa bilmədi.
Sportarena.az xəbər verir ki, portuqal oyunçu 2011-ci ilin fevralından davam edən uğurlu seriyasını qırıb. Belə ki, sonuncu dəfə 4 il öncə ardıcıl 3 çempionat matçında fərqlənə bilməyən Ronaldo bu göstəricini təkrarlayıb. Ronaldo əvvəlki turlarda "Cordoba" və "Atletico" ilə görüşlərdə də fərqlənə bilməmişdi.
Qeyd edək ki, bu mövsüm Ronaldonun aktivində 20 oyuna 28 qol var.