UEFA Maliyyə nəzarəti orqanı "Financial fair play" qaydalarını pozan bir neçə kluba dair hesabatları hazırlayıb.
Sportarena.az qurumun rəsmi saytına istinadən xəbər verir ki, "Hal Siti", APOEL, "Panatinaykos" və “Rox” klublarında bu qaydaların pozulması müşahidə olunub. Qeyd olunan hər 4 klub 200 min avro cərimələnib. Araşdırmalara görə daha öncə "Financial fair play"i pozmaqda şübhəli bilinən "Sparta Praqa" və "Liverpul"da isə qayda pozuntusu aşkarlanmayıb. Bununla yanaşı "Levski" və "Trabzonspor"a qarşı araşdırmalara başlanılıb.