Azərbaycan Premyer Liqasının 25-ci turu çərçivəsində keçiriləcək "Neftçi" - "İnter" oyunu "Bakcell Arena"da keçirilməyəcək.
Sportarena.az xəbər verir ki, buna səbəb sözügedən arenada 19 yaşadək futbolçulardan ibarət yığma komandalar arasında Avropa Çempionatının elit mərhələ oyunlarının keçirilməsidir.
Bu üzdən də ev oyunlarını "Bakcell Arena"da keçirən "Neftçi" İsmət Qayıbov adına Bakıxanov qəsəbə stadionuna üz tutmaq məcburiyyətində qalıb.