"Fənərbaxça"nın sabiq futbolçusu Aleks de Souzanın "tvitter"də bir xanıma yazdığı cavab aranı qarışdırıb.
Sportarena.az xəbər verir ki, bir xanım futbol azarkeşi "tvitter"də Aleksin təkbaşına hazırda "Fənər"də çıxış edən Dirk Kuyt, Mussa Sou, Emenike və Vebodan daha çox qol vurduğunu yazıb. Braziliyalı ulduz isə buna cavab olaraq "Bilirəm" yazıb.
Aleksin bu cavabı "tvitter"də böyük müzakirələrə səbəb olub. Bəzi tərəfdarlar onun tərəfini saxlasa da, bəziləri tənqid edib. Aleks heyranı olan xanım azarkeşin "tvitter"də yazdığı isə bu cür olub: "Emenike+Sou+Vebo+Kuyt - 371 oyun, 131 qol. Qaçmayan Aleks de Souza - 341 oyun, 171 qol". Aleksin məhz bu yazıya "Bilirəm" cavabı aranı qarışdırıb.