ABŞ-da qadınlar arasında keçirilən qolf turniri zamanı iştirakçılar və azarkeşlər dəhşətli qorxu yaşayıb.
Sportarena.az xəbər verir ki, yarış zamanı meydana nəhəng alliqator girib. Hadisə Florida ştatının Enqlvud şəhərciyində baş verib. 4,5 metr uzunluğunda olan alliqator insanlara qarşı aqressiv münasibət göstərməyib.
Timsah sakitcə meydandan keçərək kompleksin yaxınlığındakı sıx bitkilərin arasında gizlənib. İştirakçılar "Böyük Corc" adlandırdıqları alliqatorun şəklini çəkə biliblər. Qolf-klubun sahibi bildirib ki, belə hal ilk dəfə baş vermir. Buna qədər də alliqatorlar bir neçə dəfə yarış meydanına daxil olublar. Onlar indiyə qədər kiməsə xəsarət yetirməyiblər.