İspaniya La Liqasının XXVII turu çərçivəsində səfərdə “Eybar”la oyun "Barselona"nın hücumçusu Neymar üçün əlamətdar olub.
Sportarena.az xəbər verir ki, Kataloniya klubunun 0:2 hesabı ilə qalib gəldiyi matçda braziliyalı futbolçu yubiley oyununu keçirib.
Belə ki, meydana start heyətdə daxil olan “sambaçı” 300 rəsmi matçına çıxıb. 2013-ci ildən “Barsa”da forma geyinən 23 yaşlı forvard kataloniyalılarla 75 görüş keçirib. O, sabiq klubu “Santos”da isə 225 dəfə meydana top qovub.
Qeyd edək ki, Neymar oyunun 75-ci dəqiqəsində Pedro Rodriqeslə əvəzlənib.