Azərbaycan Milli komandasının və “Hayduk” klubunun futbolçusu Ruslan Qurbanov sportarena.az saytına açıqlama verib.
Qurbanov hazırkı komandasında əsas heyətə düşə biləcəyinə inanmaqla bərabər ölkəmizlə Xorvatiya futbolu arasında fərqlərin olduğunu deyib: “Əsas məqsədim yeni komandama tam öyrəşməkdir. Burada və Azərbaycandakı futbol arasında fərqlər var. Yeni şəraitə tam uyğunlaşıb əsas heyətə düşəcəyimə inanıram”.
Ruslan, milli komandaya çağırılacağını və Maltanı məğlub etməli oluqlarını da vurğulayıb: “Öz komandamda əsas heyətə düşə bilməsəm də, Prosineçkidən dəvət gözləyirəm. Malta ilə oyunda meydanda olsam, əlimdən gələni edəcəm. Bu oyunda bizə mütləq qələbə lazımdır”. – deyə Qurbanov bildirib.