Bu gün futzal üzrə Avropa çempionatının əsas seçmə mərhələsinə start götürəcək.
Sportarena.az xəbər verir ki, final mərhələsinə qatılmaq iddiasında olan millimiz də bu gün mübarizəyə qoşulacaq.
Bakıda keçiriləcək V qrupun oyunlarında komandamız Belçika ilə üz-üzə gələcək. “Sərhədçi” Olimpiya Mərkəzində baş tutacaq qarşılaşmada yığmamız “siftə”ni qələbə ilə başlamaq niyyətindədi.
Qeyd edək ki, qrupu ilk pillədə başa vuran komanda 2016-cı ildə Serbiyada təşkil olunacaq final mərhələsinə birbaşa vəsiqə qazancaq. 2-ci yer sahibləri və “üçüncülər” arasında ən yaxı nəticəyə malik bir yığma da Avropa çempionatında oynamaq şansını saxlayacaq.