Sportarena.az sizə futbol üzrə olimpiya millimizin 1994-cü ildə İranın Tehran şəhərində çəkilmiş şəkillər barədə məlumat verəcək.
1994-cü ildə İranda keçirilmiş İslam Ölkələrinin Olimpiadası yarışında U-21 millimizin çıxışından həmin millidə çıxış etmiş və hazırda “Neftçi” U-15 klubunda baş məşqçi işləyən Adil Mahmudov danışıb.
“Həmin dövrdə yığma komanda yenicə yaradılırdı. Bizi İslam Ölkələrinin Olimpiadasına yolladılar. İranın Tehran şəhərində dairəvi keçirilən çempionatda çıxış edən 5 komandadan biri idik. 3-cü yerə layiq görüldük. Qarşılaşdığımız komandalardan biri də yerli komanda olan İranın Olimpiya millisi idi. Hansı ki, həmin millidə sonralar məşhurlaşacaq Əli Dai, Qapıçı Əli Reza kimi futbolçular oynayırdı. Onlarla oyunda ilk dəqiqələrdə Mais Əzimov qapıya gedən topu əllə çıxartdı, qırmızı aldı və qapımıza vurulan penaltidən qol buraxdıq. İlk hissədə 3:0 məğlub olurduq. Buna baxmayaraq əzmkar çıxış edib sona qədər vuruşduq və sonda Kamil Bayramov və İsmayıl Məmmədovun qolları ilə 3:2 hesabı ilə məğlub olduq. Son dəqiqələrdə əlimizə düşən real qol imkanından istifadə edə bilməməyimizi də vurğulamalıyam. Millimizin həmin heyətində olanların əksəriyyəti hazırda Azərbaycan futbolunda hələ də fəaliyyətini davam etdirir. İrandan başqa Qazaxıstan, Türkmənistan və Qırğızıstanla qarşılaşdıq. Yalnız Qazaxıstanla bərabərə qala bildik və top fərqinə görə 3-cü yeri tutduq. Komandanın məşqçiləri Rafiq Bağırovla rəhmətlik Ağası müəllim idi.
Həmin komanda ilə bağlı çox yaxşı təsuratlarım qalıb. Şərait indiki kimi deyildi. Amma, oradakı futbol mehribançılığı tamam başqa cürə idi. İndiki komandalarda həmin mehribançılığa ehtiyac var. Həmin Olimpiadadan sonra heyyətdə ciddi dəyişikliklər oldu. Bir-çox futbolçular əsas milliyə çağrıldı”.
Sportarena.az həmin millidə çıxış edən futbolçuların adlarını diqqətinizə çatdırır.
|
Ad |
Klub |
|
Kamil Bayramov |
“Neftçi” |
|
Adil Mahmudov |
“İnşaatçı” Bakı |
|
İsmayıl Məmmədov |
"Xəzər" Sumqayıt |
|
Xəqani Məmmədov |
“Neftçi” |
|
Abüzər İbrahimov |
“İnşaatçı” Bakı |
|
Mais Əzimov |
“Neftçi” |
|
Anar Niyazov |
“Neftçi” |
|
Zahid Əsgərov |
“Xəzər” Sumqayıt |
|
Rəşad Mustafayev |
“Xəzər” Sumqayıt |
|
Elşad Quliyev |
“Məşəl” |
|
Şahin Məmmədov |
“Azəri” |
|
Kənan (Soyadı bilinmir – qapıçı) |
“Gümrüh” Qax |
|
Elbaris İsayev |
"Qarabağ" Ağdam |
|
Feyzulla Feyzullayev |
Bilinmir |
|
Namiq Quliyev |
"Xəzri" Buzovna |
|
Rafiq Bağırov (Baş məşqçi) |
|
|
Ağası (Soyadı bilinmir - Məşqçi) |
|
Rahim Şaliyev