Mini futbol üzrə Avropa çempionatı-2016-nın final mərhələsinin püşkatma mərasimi cari ilin 2 oktyabr tarixində Belqrad şəhər ratuşasında keçiriləcək.
Sportarena.az xəbər verir ki, bu barədə UEFA-nın məlumatında bildirilir.
Qeyd olunur ki, püşkatma zamanı Serbiya, İtaliya, İspaniya və Rusiya səpələnmiş komandalar olacaqlar. Portuqaliya, Ukrayna və Xorvatiya ikinci səbətdə yer alacaq.
Xatırladaq ki, 15-22 sentyabr tarixlərində Bosniya və Herseqovina, Macarıstan, Belarus, Azərbaycan, Çexiya, Slovakiya, Qazaxıstan və Rumıniya Avro-2016-ya yerdə qalan dörd vəsiqə uğrunda mübarizə aparacaq.
Mini futbol üzrə Avropa çempionatı 2016-cı ilin 2-13 fevral tarixlərində Serbiyada keçiriləcək.