AFFA-nın baş katibi Elxan Məmmədov Azərbaycan millisinin “Avro2016”nın seçmə mərhələsində Malta üzərindəki qələbəsinə görə futbolçulara mükafat veriləcəyini açıqlayıb.
Sportarena.az xəbər verir ki, jurnalistlərə açıqlamasında o bildirib ki, mükafatla bağlı assosiasiyada sistem var.
“Bu sistemə uyğun hesablama aparacağıq. Rövnəq Abdullayev bununla bağlı açıqlama da verib. Futbolçular milli komandadan heç bir maaş almırlar. Onlar öz klublarından pul alır. Milli komandada oynamaq onlar üçün fəxrdir, amma maliyyə motivasiyası da olacaq. Bəzi federasiyalar milli komandaya düşən futbolçulara maaş verir. Bəzi futbolçular sponsorlardan pul alır. Biz isə rəqibdən asılı olaraq nəticəyə uyğun mükafat verilir. Sonuncu mükafat bir ildən də artıq vaxtdır ki, verilib” – deyə E.Məmmədov bildirib.