Bu gün Azərbaycan Premyer Liqasında 28-ci turun oyunlarına start veriləcək.
Sportarena.az xəbər verir ki, bütün oyunların eyni gündə keçiriləcəyi turun son oyununda “Xəzər Lənkəran” səfərdə “İnter”in qonağı olacaq.
Bu, komandalar arasında ilin 4-cü, mövsümün isə son qarşılaşması olacaq. Bu il kubok matçında 2, Premyer Liqada isə 1 dəfə qarşılaşan komandalardan “bankirlər” aşkar fovaritdir. Onlar ilin bütün oyunlarında qələbə qazanmağı bacarıb. Buna baxmayaraq son turda “Sumqayıt”dan üstün olan Lənkəran təmsilçisi oyuna yüksək əhval-ruhiyyədə çıxacağı və “İnter”ə çempionluq yolunda ağır zərbə vurmağa çalışacağı gözlənilir.
“İnter” – “Xəzər Lənkəran” 2:0
Qol: Derlis Mezakolli 54-Pen (1:0), Stankoviç 76 (2:0)
Hakimlər: Ömər Paşayev, Azər Əsgərov, Kamran Bayramov, Xəlil Xəlilov
AFFA nümayəndəsi: Rauf Hüseynli
Hakim-inspektor: Fazil Mürşüdov
“İnter Arena”