Bu gün Azərbaycan Premyer Liqasında 28-ci turun oyunlarına start veriləcək.
Sportarena.az xəbər verir ki, bütün oyunların eyni gündə keçiriləcəyi turun 3 matçının həm də başlama vaxtı eyni saata düşəcək.
Çempionluq yolunda inamla irəlliləyən “Qarabağ” səfərdə “Bakı” ilə qarşılaşacaq. Son çempionların autsayderə bu dəfə də şans verməyəcəyi gözlənilir. Ağdamlılar qələbə qazanmaqla öz mövqelərini daha da möhkəmləndirə bilərlər.
“İnter”in “Xəzər Lənkəran”la oyunda büdrəməyinə ümid edən “Neftçi”, Zaqatalaya səfər edəcək. Arif Əsədovun yetirmələrini son zamanlar iddialı çıxşı ilə seçilən “Simurq”la çətin qarşılaşma gözləyir.
Avrokuboklar üçün mübarizəni davam etdirmək əzmində olan “Qəbələ” səfərdə ona ən yaxın rəqib AZAL-la münasibətləri ayırd edəcək. Hər iki tərəf üçün böyük önəm təşkil edən qarşılaşmada hansı nəticənin qeydə alınacağı maraqla gözlənilir.
“Bakı” – “Qarabağ” 1:1
Qollar: Reynaldo 26 (0:1), Nurlan Novruzov 39-Pen (1:1)
Hakimlər: Fariz Yusifov, Vüsal Qənbərov, İsgəndər Əliyev, Etibar Həsənov
AFFA nümayəndəsi: Oqtay Abdullayev
Hakim-inspektor: Kərim Ağayev
“Bakı” FK-nın təlim-məşq bazasının stadionu
AZAL – “Qəbələ” 0:4
Qollar: Cavid Hüseynov 24 (0:1), Viktor Mendi 26 (0:2), Cavid Hüseynov 41-Pen (0:3) Ekiqo Ehiosun 86 (0:4)
Hakimlər: Əliyar Ağayev, Zeynal Zeynalov, Rza Məmmədov, Munis Abdullayev
AFFA nümayəndəsi: Mübariz Hüseynov
Hakim-inspektor: Məhəmməd Məmmədov
AZAL Arena
“Simurq” – “Neftçi” 0:1
Qol: Nikolas Kanales 82 (0:1)
Hakimlər: İnqilab Məmmədov, Nahid Əliyev, Elşən Acalov, Mehman Mahmudov
Əlavə köməkçi hakimlər: Rəhim Həsənov, Ramil Diniyev
AFFA nümayəndəsi: Əsgər Əmirəliyev
Hakim-inspektor: Şahin Cəfərov
Zaqatala şəhər stadionu