“Qarabağ” klubunun futbolçus Vüqar Nadirovla “1+1” formatlı yeni müqavilə imzalıya biləcəyi barədə özəl məlumat vermişdik.
Sportarena.az xəbər verir ki, futbolçu qol.az saytına açıqlamasında xəbəri təsdiq edərək rəhbərliklə yeni müqavilə haqqında müzakirə apardığını bildirib.
Klubun Mətbuat Katibi Nurlan İbrahimov saytımıza müqavilənin nə vaxt bağlanacağı haqqında məlumat verməsə də, müqavilə bağlanacağına işarə edərək “Nadirovu bizə tək müqavilə yox, həm də mənəvi amillər bağlayır”. – deyib.
Kluba yaxın digər mənbədən əldə etdiyimiz məlumatda isə futbolçunun may ayında müqavilə masasında əyləşəcəyi məlum olub.
Qeyd edək ki, Ağdam klubunun yetirməsi olan Nadirov müxtəlif vaxtlarda “Xəzər Lənkəran” və “Karvan”ın da şərəfini qoruyub. 2009-cu ildən isə “Qarabağ”da çıxış edir.