Rumıniyanın "Petrolul" klubunun yarımmüdafiəçisi Felipe Teyşeyra ilə Azərbaycan klublarından biri maraqlanır.
Sportarena.az xəbər verir ki, Rumıniya mətbuatı bu barədə məlumat yayıb.
Məlumatda bildirilir ki, 34 yaşlı oyunçu ilə Kiprin APOEL klubu, eləcə də Türkiyənin iki komandası maraqlanır. Teyşeyranı heyətində görmək istəyənlər arasında Azərbaycan və Yunanıstan təmsilçiləri də var. Bunu Portuqaliyanın gənclərdən ibarət komandalarında oynamış futbolçunun agenti bildirib.
Qeyd edək ki, Teyşeyra vaxtilə Fransanın PSJ, İngiltərənin "Vest Bromviç" və Ukraynanın "Metallurq" (Donetsk) kimi klublarında forma geyib.