Azərbaycanın qadınlardan ibarət "Rabitə" voleybol klubu ardıcıl 8-ci dəfə ölkə çempionu adını qazanıb.
Sportarena.az xəbər verir ki, Zoran Qayiçin yetirmələri çempionatın pley-off mərhələsinin final seriyasının ikinci oyununda "Lokomotiv" üzərində 3:1 hesabı ilə qələbə qazanaraq buna nail olub.
Çempionatın bürünc mükafatı hər iki oyunda "Azərreyl"ə qalib gələn "Azəryol" komandası sahib çıxıb.
Qadınlar. Azərbaycan çempionatı
Pley-off. Final. İkinci matç
"Rabitə" (Bakı) — "Lokomotiv" (Bakı) — 3:1 (22:25, 25:20, 25:16, 25:13).
Seriyada hesab: 2-0.