"İnter"in baş məşqçisi Roberto Mançini keçmiş klubu "Mançester Siti"də çıxış edən bir neçə futbolçunu İtaliyaya aparmaq istəyir.
Sportarena.az xəbər verir ki, italyan çalışdırıcı "Siti"də baş məşqçi olarkən bu kluba transfer olunmuş üç futbolçunun - Yaya Ture, Samir Nəsri və Ceyms Milnerin xidmətində maraqlıdır.
Mançini növbəti mövsümdə "İnter"lə yenidən A seriyasının çempionu olmağı hədəfləyib. Bunun üçün də o, əvvəlcə "Mançester Siti"dən sözügedən futbolçuların alınmasını istəyir.
Milnerin "Mançester Siti"ylə müqaviləsi mövsümün sonunda bitəcək. Nəsriylə isə "İnter"lə yanaşı, "Yuventus"un da maraqlandığı deyilir.
"Neradzurra"nın Tureyə olan marağı əvvəldən məlum idi. (publika)