Gəncləşdirmə siyasətini davam etdirən “Xəzər Lənkəran” daha bir istedadlı futbolçunu əsas komandaya cəlb edib. U-16 milli komandanın da əsas heyət üzvü olan İbrahim Qədirzadə “Qəbələ” ilə oyunöncəsi Elbrus Məmmədovun sərəncamında olacaq. “SportArena.Az” saytı olaraq, İbrahimlə əlaqə saxlayıb, fikirlərini öyrəndik:
“Bir-neçə gündür ki, əsas komandada məşq edirəm. Mənə inandıqlarına görə məşqçilər heyətinə təşəkkür edirəm. Hər bir futbolçunun arzusudur ki, futbola başladığı komandanın əsas komandasında çıxış etsin. İnşallah, meydana çıxandan sonra onların etimadını tam olaraq doğrultmağa çalışacağam. Komandamızda gənc futbolçular çoxdu, bu da rəqabət və inkişafa aparır. Bu da son da komandamızın xeyrinə olacaq bir haldır.”
Cavid ƏHMƏDOĞLU