Xəbər verdiyimiz kimi, "Xəzər Lənkəran" sabah "Qəbələ"ni öz meydanında qəbul edəcək.
SportArena.az olaraq, cənub klubunun baş məşqçisi Elbrus Məmmədovla əlaqə saxlayıb, sabahkı oyuna hazırlıq haqqında və komandadakı son durum haqqında soruşduq. Təcrübəli çalışdırıcının dediklərini sizə təqdim edirik:
"Komandamızda atmosfer çox yaxşıdı. Hər bir futbolçu üzərinə düşən məsuliyyəti anlayır və məşqlərdə fəallıq nümayiş etdirir. Matçın başlanmasına qədər bütün çatışmamazlıqları aradanqaldırmağa çalışırıq. Bu baxımdan taktiki və fizikimi məşqlərə daha çox üstünlük veririk. "Qəbələ"nin son turlarda parlaq oyunu bizi qorxutmur, əksinə olaraq, daha da oyuna məsuliyyətli yanaşmağımıza səbəb olur. İtkilərimiz də çoxdur. Demək olar kı, bütün itkilər əsas heyət futbolçularıdı. Hər şeyə rəğmən biz sabahkı oyunda azarkeşlərin istədiyi "Xəzər Lənkəran" kimi oyun göstərməyə çalışacağıq. Onların da dəstəklərinə ehtiacımız var".
Cavid ƏHMƏDOĞLU