Bu gün "Qəbələ"ni öz meydanında qəbul edəcək "Xəzər Lənkəran" bu oyuna çox ciddi hazırlaşır.
SportArena.az saytına açıqlamasında bunu cənub klubunun futbolçusu Tural Cəlilov bildirib:
"Biz hər bir oyuna çox ciddi hazırlaşırıq. "Qəbələ"yə qarşı da hazırlığımız belə oldu. Bəzi itkilərimiz var. Oynamayacaq futbolçuların əsas heyət üzvü olması işimizi biraz çətinə sala bilər, amma bu futboldur, gərək meydanda var gücümüzü qoyaq ki, sonda layiqli nəticə qazanaq. İnanıram ki, azarkeşlərimizin qarşısında qələbə qazanacağıq".
Cavid ƏHMƏDOĞLU