Azərbaycan Respublikası Gənclər və İdman Nazirliyinin təşəbbüsü, Müdafiə nazirliyi və Lənkaran Rayon İcra Hakimiyyəti ilə birgə Lənkəran rayonunda faşizm üzərində qələbənin 70 illiyinə həsr olunmuş “Tarixin canlı səhifələri” adlı III Gənclər Festivalı keçirildi.
Festival öncəsi nazir Azad Rəhimov, Milli Məclisin vitse-spikeri Ziyafət Əsgərov, Müdafiə nazirinin müavini Kərim Vəliyev, Həzi Aslanovun nəvəsi general-leytenant Həzi Aslanov, Lənkəran Rayon icra başçısı Taleh Qaraşov, millət vəkili Hadı Rəcəbli, Prezident Administrasiyasının sektor müdiri Vüsal Quliyev, xarici ölkələrin səfirləri və eyni zamanda Böyük Vətən Müharibəsi veteranları Ulu öndər Heydər Əliyevin abidəsini, Sovet Ittifaqi qəhrəmanı Həzi Aslanovun abidəsini və ev muzeyini ziyarət ediblər.
Saat 20.00-da başlayan tədbir öncəsi iştirakçılar Böyük Vətən müharibəsinin epizodlarını özündə əks etdirən səhnələrlə tanış olublar.
Ali təhsi müəssisələrinin tələbələrinin iştirak etdiyi festivalın keçirilməsində məqsəd, gəncləri vətənpərvərlik ruhunda tərbiyə etmək, xalqımızın hərb və döyüş tarixini gənclərə əyani olaraq çatdırmaq olub.
600-dan artıq tamaşaçının seyr etdiyi festivalda cari ildə 105 illiyi qeyd edilən 2 dəfə Sovet İttifaqı Qəhrəmanı olmuş şəxsi igidlik və qoçaqlığına görə 3 Qırmızı Bayraq ordeni, 2-ci dərəcəli Suvorov ordeni, Aleksandr Nevski ordeni, 1-ci dərəcəli Vətən müharibəsi ordeni, 2 Qırmızı Ulduz ordeni general-mayor Həzi Aslanovun, nəinki Azərbaycanın eyni zamanda Qafqazın ilk Sovet İttifaqı adını almış Qəhrəmanı İsrafil Məmmədovun, adı belə faşistləri qorxuya gətirən, Sovet İttifaqı qəhrəmanı Mehdi Hüseynzadənin partizan həyatı əyani olaraq canlandırılılıb.
Eyni zamanda, festivalda Şərqşunas və tarixçi, Sovet İttifaqı Qəhramanı, Dövlət Mükafatı Laureatı, Əməkdar Elm xadimi. Azərbaycan xalqının milli mənafelərini qorumaq nöqteyi-nəzərindən və tarixi həqiqəti bugünkü nəsillərə, dünya tarixinə çatdırmaq baxımından əvəzsiz əsərlərin müəllifi Ziya Bünyadovun döyüş şücaətləri 200 nəfərdən çox aktyor və tələbələr tərəfindən tamaşaçılara təqdim edildi.
Sonda tədbir atəşfəşanlıqla yekunlaşdı. Tədbirdən hazırlanan verilişin videoyazısını təqdim edirik: