Sabah Topaz Premyer Liqasında XXXIII tura start veriləcək. SportArena.az xəbər verir ki, iki gün davam edəcək tur sabah keçiriləcək 3 qarşılaşma ilə başlayacaq.
Çempionatın lideri “Qarabağ” səfərdə “Xəzər Lənkəran”la qarşılaşacaq. Bu tur çempionluğu rəsmiləşdirməsi mümkün olan Ağdam təmsilçisi cari mövsüm 3 dəfə məğlub etdiyi rəqibini yenə yenməyə çalışacaq. Son 8 matçdan xalsız ayrılmayan Qurban Qurbanovun yetirmələri 5 oyunluq qol seriyasını da davam etdirmək əzmindədi. Son 14 görüşdə qol buraxan cənublular isə 4 oyunluq qələbə həsrətini doğma azarkeşlər önündə son qoymalıdı.
Ağdamlılar qalib gəlsə, 2 saat sonra turun mərkəzi oyununda meydana çıxacaq “İnter”in məğlubiyyətini gözləyəcək. Bu nəticələrin qeydə alınması sona 3 tur qalmış çempionun adına aydınlıq gətirəcək. “Bankirlər” paytaxt derbisində cari mövsüm məğlub olmadığı “Neftçi” ilə görüşəcək. Kubokun yarımfinalında “ağ-qaralar”a yenilən “İnter” 1 xal qazanmaqla, ən azı gümüşü də təmin edəcək. Ardıcıl 4 qələbə qazanan Kaxaber Sxadadzenin yetirmələrinin rəqibi üçün də 3 xal vacibdi. Çünki “Neftçi” 3-cü yer uğrunda mübarizədə xal itirməməlidi.
Son 4 matçda qələbə qazana bilməyən “Neftçi” kimi “Qəbələ” də bürünc üçün mübarizə aparır. Məğlubiyyətsiz seriyası 9-a çatan əyalət klubu Sumqayıtda eyniadlı komanda ilə görüşəcək. Roman Qriqorçukun yetirmələri autsayderlərdən biri ilə qarşılaşdığından matçın favoriti sayılır. Lakin “Gənclik şəhəri” təmsilçisi də 4 oyundu yenilmir.
Turun son matçında isə turnir cədvəlinin aşağı hissəsində yer alan paytaxt klubları üz-üzə gələcək. Cari mövsümdə heç bir iddiası qalmayan AZAL Premyer Liqada qalmaq uğrunda mübarizə aparan “Bakı”nı sınağa çəkəcək. 5 oyundu qalib gəlməyən “təyyarəçilər” seriyaya son qoysa, İbrahim Uzuncanın yetirmələrin I diviziona yuvarlanacağı rəsmiləşəcək.
Qeyd edək ki, XXXIII turda “Simurq” istirahət edəcək.
XXXIII tur
8 may (cümə)
18:00. “Xəzər Lənkəran” – “Qarabağ”
İlk 3 dövrədəki oyunlar: 2:3, 2:3, 0:1
"Xəzər Lənkəran" mərkəzi stadionu
18:00. “Sumqayıt” – “Qəbələ”
İlk 3 dövrədəki oyunlar: 1:3, 1:1, 0:2
Kapital Bank Arena
20:00. “İnter” – “Neftçi”
İlk 3 dövrədəki oyunlar: 0:0, 2:1, 2:0
“İnter Arena”
9 may (şənbə)
17:00. “Bakı” – AZAL
İlk 3 dövrədəki oyunlar: 1:0, 1:3, 2:0
“Bakı” FK-nın təlim-məşq bazasının stadionu
|
N |
Klublar |
O |
Q |
H |
M |
T-F |
X |
|
1 |
Qarabağ |
29 |
19 |
7 |
3 |
48-25 |
64 |
|
2 |
İnter |
28 |
15 |
11 |
2 |
47-15 |
56 |
|
3 |
Neftçi |
29 |
13 |
8 |
8 |
37-28 |
47 |
|
4 |
Qəbələ |
29 |
13 |
8 |
8 |
40-34 |
47 |
|
5 |
Simurq |
29 |
10 |
5 |
14 |
37-34 |
35 |
|
6 |
AZAL |
28 |
8 |
8 |
12 |
29-40 |
32 |
|
7 |
Xəzər L |
28 |
7 |
6 |
15 |
33-43 |
27 |
|
8 |
Sumqayıt |
28 |
5 |
10 |
13 |
27-39 |
25 |
|
9 |
Bakı |
28 |
3 |
8 |
17 |
19-59 |
16 |