FİFA dünya yığmalarının yeni reytinq siyahısını açıqlayıb.
SportArena.az xəbər verir ki, Azərbaycan millisi ötən ayla müqayisədə 1 pillə geriləyib. Hesabında 264 xal olan Robert Prosineçkinin komandası 116-cı pillədə qərarlaşıb.
"Avro-2016"nın seçmə mərhələsində millimizin rəqiblərindən heç birinin mövqeyində dəyişiklik baş verməyib. İtaliya 13-cü (0), Xorvatiya 17-ci (0), Norveç 70-ci (0), Bolqarıstan 67-ci (0), Malta isə 149-cu (0) yeri tutur.
Siyahının ilk pilləsinə yenə Almaniya millisi başçılıq edir. Argentina ikinci, Belçika isə üçüncü pillədə qərarlaşıb.