Bu gün Azərbaycan futbolunun ən istedadlı nümayəndələrindən biri, görkəmli idman xadimi, əməkdar idman ustası, SSRİ-nin əməkdar məşqçisi, dörd dəfə SSRİ çempionu, professor Ələkbər Məmmədovun 85 illik yubileyidi. Futbolinfo.az xəbər verir ki, bu münasibətlə AFFA və Futbol Veteranları İttifaqının təşkilatçılığı ilə xatirə tədbiri keçiriləcək.
AFFA-nın əməkdaşları, futbol veteranları, idman ictimaiyyətinin nümayəndələri Məmmədovun məzarını ziyarət edəcək, sonra isə Bayıl stadionunda yoldaşlıq oyunu təşkil olunacaq. “Neftçi” klubunun veteranlarından ibarət komanda ilə Azərbaycan milli yığma komandalarında çalışan məşqçilərdən və AFFA-nın əməkdaşlarından təşkil olunmuş komanda arasında keçiriləcək yoldaşlıq oyunu saaat 12:00-da başlayacaq.