Mərhum Prezident Heydər Əliyevin anadan olmasının 92-ci il dönümünə həsr olunmuş tədbirlər davam edir. Həmin tədbirlərdən biri AZAL klubunun təşəbbüsü ilə həyata keçirilib. Belə ki, əlamətdar günə xüsusi diqqət ayıran AZAL klubu bazasında futbol oyunu təşkil edib. Dünən klubun Şüvəlanda yerləşən bazasında klub məşqçiləri, eləcə də klubda bu və digər vəzifəni tutan şəxslərlə jurnalistlərin oyunu reallaşşıb. Say nisbəti fərqli olduğu üçün bir neçə jurnalist AZAL tərəfində meydançaya çıxıb.
Hər iki komanda AZAL-a məxsus fərqli rəngli formalarda mübarizə aparıb. Qarşılaşma AZAL və jurnalistlərin birləşmiş komandasının 7-5 hesablı qələbəsi ilə yekunlaşıb.