"Çelsi"nin baş məşqçisi Joze Mourinyo "Barselona"nın futbolçusu Lionel Messi haqda müsbət fikirlər səsləndirib. Portuqaliyalı mütəxəssis bildirib ki, İngiltərənin güclü klubları Messi ilə Çempionlar Liqasının kubokunu qazana bilər:
"Messi təkbaşına böyük işlər görür. "Mançester Siti, "Arsenal", "Mançester Yunayted" və "Çelsi" kimi klublar onunla birgə Çempionlar Liqasını kubokunu qazana bilər".
O bildirib ki, Messinin olduğu komanda digərlərindən güclüdür: "Messi Qvardiola ilə Çempionlar Liqasının finalında oynayıb. İndi isə Luis Enrikenin rəhbərliyi altında finala yüksəlməyə çox yaxındır. Messinin hər şeyi dəyişdirə biləcək gücdə olduğu unudulmamalıdır".
Qeyd edək ki, Messi Çempionlar Liqasının yarımfinalında "Bavariya" qarşı ilk matçda (3:0) iki qol vurub və bir qolun ötürməsini edib.