AAAF Park Yaşayış Kompleksində Ümummilli lider və dahi şəxsiyyət Heydər Əliyevin anadan olmasının 92-ci ildönümünə həsr olunan möhtəşəm bayram konserti təşkil olundu. Tədbir Kompleksin mərkəzi məkanı – fontan ətrafında baş tutdu.
Kompleksimizin minlərlə sakini, həmçinin qonaqlar AAAF Park-da gözəl gün keçirdilər. Onlar həm gəzmək, həm də gözəl musiqi dinləmək, istirahət etmək imkanı əldə etdilər. Qonaqlara fontan ətrafındakı masalarda müxtəlif təamlar təklif olundu. Yüksək xidmət, əla şəraitdə keçirilən “Gül Bayramı” konserti ümummilli liderin adına layiq oldu.
Bayram tədbirində tanınmış incəsənət xadimlərinin ifaları səsləndi. İzzət Bağırov, Nadir Bayramlı, muğam ifaçısı Arif Əsədov və başqaları qonaqları feyziyab etdilər. Bununla yanaşı, müxtəlif musiqi və rəqs qrupları da çıxış edərək alqışlar qazandılar.
“Zirvə Liseyi”nin şagirdlərinin çıxışları isə xüsusilə maraqlı alındı. Onların ifasında ulu öndər haqqında, eyni zamanda vətənpərvərlik mövzusunda şeirlər səsləndi, mahnılar oxundu. Bu çıxışlar konserti izləməyə gələn minlərlə tamaşaçının rəğbətini qazandı.