"Real"ınfutbolçusu Beyl mövsümün sonunda komandanı tərk etməyəcək.
SportArena.az xəbər verir ki, onun haqqında yayılan transfer şayələrindən sonra meneceri Conatan Barnett danışılanlara belə şərh verib:
"Beyllə dünyanın istənilən klubu müqavilə imzalamaq istəyərdi, amma o, növbəti mövsüm də "Real"ın uğurları üçün tər tökəcək. Onun yayda komandasını dəyişməsi üçün heç bir səbəb yoxdu. Beylin vaxtilə həmişə "Real"da oynamaq istədiyini dilə gətirməsi həqiqət idi. O, burada böyük uğurlara imza atmaq niyyətindədi".